Лучший помощник воспитателя

Бүгүн детсад иһинэн «Лучший помощник воспитателя» диэн күрэх буолан ааста. Күрэх үлэһиттэр идэлэрин таһымын үрдэтэр уонна кыттааччылартан кыайыылааҕы талан улуустааҕы күрэххэ бэлэмниир сыалтан ыытылынна. Кыттааччылар 4 түһүмэххэ күөн көрүстүлэр. Ол курдук «Мин иитээччи көмөлөһөөччүтэбин» — бэйэни билиһиннэрии, СанПиН ирдэбиллэрин билиигэ тестирование, «Оҕолору кытта дьарык көрдөрүү» уонна бэйэ талаанын көрдөрүү диэн түһүмэхтэргэ олус эппиэтинэстээхтик ылсан бэлэмнэнэн жюриларга да, көрөөччүлэргэ да улахан биһирэбили ыллылар, дуоһуйууну бэлэхтээтилэр. Күрэх түмүгүнэн кыайыылааҕынан Гуляева Валентина Ивановна, «Сардаҥа» бөлөх иитээччи көмөлөһөөччүтэ таҕыста.  Неустроева Мария Степановна «Вдохновление профессией», Аргунова Алена Владимировна «Многогранный талант», Иванова Ньургуйаана Николаевна «Творчекий дебют» номинация хаһаайыннара буолан грамотанан, дипломнарынан, премиянан наҕараадаланнылар. Күрэх кыайыылааҕар Валентина Ивановнаҕа улуус күрэҕэр ситиһиилээхтик кыттан детсадын аатын ааттатан кэлэригэр алҕыыбыт. Күрэххэ кыттыбыт коллегаларбытыгар, кинилэргэ көмөлөспүт иитээччилэргэ, залы киэргэппит, бэлэмнээбит эдэрдэр сэбиэттэригэр, салайааччы Ксенофонтова М.Н. администрация аатыттан махталбытын тиэрдэбит.